8en Obrador de Lingüistica Occitana

L’ochena edicion de l’Obrador de Lingüistica Occitana se debanarà a Pau del 5 al 6 de julh de 2018.

L’Obrador es dobèrt a totes los que vòlon intervenir sus una question de lingüistica occitana. La primièira jornada aurà coma tèma : « Operativitat de las divisions cronologicas (occitan medieval, modèrne, contemporanèu…) e de las divisions dialectalas ». La seconda jornada serà liura e las comunicacions poiràn pertocar totes los camps (lexic, sintaxi, morfologia, fonologia, dialectologia, sociolingüistica…) tant en sincronia coma en diacronia. Los apròchis comparatius son benvenguts. Aquel encontre pòt èsser l’escasença de presentar un trabalh acabat o en cors d’elaboracion.
Se prevei un temps de 30 minutas per cada comunicacion (20 minutas per la presentacion + 10 minutas de discussion). Las lengas de comunicacion seràn l’occitan, una autra lenga romanica o l’anglés.

La participacion al collòqui se fa a res-non-còst, mas es obligatòri de venir sòci de l’associacion. L’escotisson per un an es de 15€ e se poirà pagar sus plaça en espècias.
Las personas interessadas devon mandar per corrièr electronic als organizaires (joanbarcelo@ymail.com, louisou.g@laposte.net, patrick.sauzet@univ-tlse2.fr) una proposicion de comunicacion acompanhada d’un resumit d’una pagina (document pdf) en dos exemplars, un dels dos anonim, abans lo 1r d’abril de 2018. Seràn assabentadas de l’acceptacion ou del refús abans lo 1r de mai de 2018.
Los actes de l’Obrador, revisats per nòstre comitat de lectura, se publicaràn en linha / en accès liure dins la revista “Lingüistica Occitana” (revistadoc.com).

Datas importantas
Data-limit per mandar de resumits : 1r d’abril de 2018
Notificacion d’acceptacion o de refús : 1r de mai de 2018
Obrador : dijòus 5- divendres 6 de julh de 2018

Comitat scientific / Comité scientifique / Scientific committee
Aitor Carrera (Universitat de Lleida)
Alan Viaut (CNRS IKER Baiona)
Andres Kristol (Université de Neuchâtel)
Daniela Müller (Ludwig Maximilians Universität München)
Domergue Sumien (Ais de Provença)
Felip Biu (Universitat de Pau)
Jaume Costa (Université de Paris III)
Jean Sibille (CNRS CLLE-ERSS Tolosa)
Joan Barceló (director de la revista Lingüistica Occitana)
Loís Grangèr (associat CLLE-ERSS Tolosa)
Manuel Padilla (CNRS IKER Baiona)
Maria-Ana Chateaureynaud (Universitat de Bordèu)
Miriam Braç (Universitat de Tolosa)
Patric Sauzet (Universitat de Tolosa)
Rafèu Sichel Bazin (associat CLLE-ERSS Tolosa)
Xavier Lamuela (Universitat de Girona)